Prezidentning tegishli qaror va farmoyishlari bilan Davlat bojxona qo‘mitasining bir qator hududiy bojxona boshqarmalari rahbariyatida tayinlovlar amalga oshirildi. Bu haqda qo‘mita axborot xizmati xabar qildi.
Qayd etilishicha, Qoraqalpog‘iston Respublikasi bojxona boshqarmasi boshlig‘i vazifasida xizmat qilib kelgan Olimjon Xojimatov Toshkent viloyati bojxona boshqarmasi boshlig‘i etib tayinlandi.
Xorazm viloyati bojxona boshqarmasi boshlig‘i vazifasida xizmat qilib kelayotgan Kazakov Ilhombek Bazarbayevich Qoraqalpog‘iston Respublikasi bojxona boshqarmasi boshlig‘i etib tayinlandi.
Farg‘ona viloyati bojxona boshqarmasi boshlig‘ining birinchi o‘rinbosari vazifasida xizmat qilib kelayotgan Klichyev Maqsudbek Rahimberganovich Xorazm viloyati bojxona boshqarmasi boshlig‘i etib tayinlandi.
Toshkent shahar bojxona boshqarmasi boshlig‘ining birinchi o‘rinbosari vazifasida xizmat qilib kelayotgan Muratov Baxtiyor Shavkatovich Andijon viloyati bojxona boshqarmasi boshlig‘i etib tayinlandi.
Davlat bojxona qo‘mitasi raisi o‘rinbosari vazifasida xizmat qilib kelayotgan Saliyev Mutalibjon Obidjonovich Namangan viloyati bojxona boshqarmasi boshlig‘i etib tayinlandi.
Avvalroq prezident farmoyishiga asosan Davlat bojxona qo‘mitasi raisiga o‘rinbosarlar tayinlangani xabar qilingandi.
Izoh (0)