Фарғона вилояти божхона бошқармасига янги раҳбар тайинланди. Бу ҳақда вилоят ҳокимлиги матбуот хизмати хабар берди.
.jpg)
Қайд этилишича, “Тошкент-АERО” ихтисослаштирилган божхона комплекси “Ислом Каримов” номидаги Тошкент халқаро аэропорти чегара божхона пости бошлиғи бўлиб ишлаб келган Шавкат Тўраев Фарғона вилояти божхона бошқармаси бошлиғи вазифасини бажарувчи этиб тайинланган.
Шавкат Тўраев 1979 йилда Бухоро вилояти Ромитон туманида туғилган. Тошкент давлат юридик институтини тамомлаган. 2004 йилдан бери божхона тизимида турли масъул лавозимларда фаолият олиб борган.
2017 йилдан буён Фарғона вилояти божхона бошқармаси бошлиғи бўлиб ишлаб келган Ихволжон Азимов бошқа ишга ўтгани муносабати билан эгаллаб турган лавозимидан озод этилган.
Шунингдек, Иззатулла Ғуломов Иқтисодиёт ва молия вазирлиги ҳузуридаги Божхона қўмитаси раисининг тегишли буйруғи билан Сурхондарё вилояти божхона бошқармаси бошлиғи лавозимига тайинланди.
Иззатулла Ғуломов 1984 йилда Бухоро вилоятида туғилган. 2008 йилда Олий ҳарбий божхона институтини, 2021 йилда Ўзбекистон миллий университетини тамомлаган. Маълумоти бўйича мутахассислиги – иқтисодчи (божхона иши соҳасида), иқтисодиёт.
Меҳнат фаолияти давомида Бухоро ва Тошкент вилоятлари ҳамда Тошкент шаҳри божхона бошқармалари, Республика божхона қўмитасида турли лавозимларда фаолият юритган. Тайинловга қадар Божхона қўмитаси шахсий хавфсизлик бошқармаси бошлиғи ўринбосари – Тезкор бўлим бошлиғи лавозимида меҳнат қилиб келаётган эди.
Бундан ташқари, Умиджон Қодиров Наманган вилояти Божхона бошқармаси бошлиғи лавозимига тайинланди.
Умиджон Қодиров 1983 йилда Фарғона вилоятида туғилган. 2006 йилдан буён божхона тизимида турли вазифаларда фаолият кўрсатиб келмоқда. 2022 йилдан мазкур тайинловга қадар Фарғона вилояти божхона бошқармаси бошлиғининг биринчи ўринбосари бўлиб ишлаб келаётган эди. Божхона хизмати подполковниги унвонига эга.
Жасурбек Файзуллаев Қашқадарё вилояти Божхона бошқармаси бошлиғи лавозимига тайинланди.
Жасурбек Файзуллаев 1982 йилда Хоразма вилоятида туғилган.Тошкент давлат юридик институтини тамомлаган. 2006 йилдан буён Божхона тизимида турли масъул лавозимларда фаолият олиб борган.
Тайинловга бағишланган йиғилишда Қашқадарё вилояти Божхона бошқармаси бошлиғи лавозимида ишлаб келган Зафар Турдалиев бошқа лавозимга муносиб кузатиб қўйилган.
Аввалроқ Бухоро, Навоий, Наманган ва Сирдарё вилоятлари адлия бошқармаларига янги бошлиқлар тайинлангани тўғрисида хабар берилганди.
Изоҳ (0)