Toshkent shahar IIBB Yo‘l harakati xavfsizligi boshqarmasi “Maʼmuriy amaliyot” va “Ro‘yxatdan o‘tkazish va imtihon olish bo‘limi” kompleks avtomatlashtirilgan axborot tizimida uzilishlar yuzaga kelmoqda.
Poytaxt IIBBning ma’lum qilishicha, bunga 10-iyun kunidan “Yagona avtomatlashtirilgan axborot tizimi”da texnik profilaktik ishlar olib borilayotgani sabab bo‘lmoqda.
Shuningdek, Toshkent shahar IIBB MvaFRBning quyidagi tizimlarida uzilishlar kuzatilmoqda:
- O‘zbekiston fuqarolari, fuqaroligi bo‘lmagan shaxslarga hamda O‘zbekistonda doim yashovchi chet el fuqarolariga identifikatsiya ID karta berish;
- fuqarolarni hamda fuqaroligi bo‘lmagan shaxslarni, shuningdek, mamlakatda doimiy yashovchi chet el fuqarolarini doim yashash manzili bo‘yicha ro‘yxatga olish;
- vaqtincha turgan joyi bo‘yicha ro‘yxatga olish;
- O‘zbekiston fuqarolarini doimiy yashash manzili hamda vaqtincha turgan manzili bo‘yicha ro‘yxatga olish.
Adliya vazirligi matbuot xizmati rahbari Sevara Urinboyevaga ko‘ra, Ichki ishlar vazirligi binosi yonidan o‘tgan yer osti kabellarida yong‘in holati kuzatilgani sababli Davlat xizmatlarida pasport va manzil bilan bog‘liq xizmatlarni ko‘rsatishda uzilishlar bo‘lmoqda.
Avvalroq O‘zbekistonda 112 yagona dispetcherlik xizmati tashkil etilishi, O‘zbekistonda Yagona interaktiv davlat xizmatlari portalidagi xizmatlar soni 700 taga oshirilishi to‘g‘risida xabar berilgandi.
Izoh (0)