Ispaniyalik murabbiy Xavi kelajakda APL klubini boshqarish niyatida.
Yaqindagina “Barselona”dan iste’foga chiqarilgan 44 yoshli mutaxassis keyingi mavsumda ishiga qaytmoqchi emas. Tanaffusdan keyin esa Angliya Premyer Ligasida ishlamoqchi. Xaviga ushbu ligada ishlash juda qiziq tuyulmoqda.
Eslatib o‘tamiz, 28-yanvarda Xavi mavsum oxirida “Barselona” murabbiylik postini tark etishini ta’kidlagandi. Keyinchalik bir necha bor bu qarorini o‘zgartirmasligini ham aytib o‘tgandi. Biroq rahbariyat aprel oyida ispaniyalik mutaxassisni jamoada qoldirishga ko‘ndirgandi. Yana vaziyat o‘zgarib, klub murabbiy bilan hamkorlikni to‘xtatdi.
Xavi “Barselona”ni 2021-yilning noyabridan beri boshqarib kelayotgan edi. Uning qo‘l ostida jamoa Ispaniya chempionati va mamlakat Superkubogini qo‘lga kiritdi.
Izoh (0)