Xavi “Barselona” klubi shartnomani muddatidan oldin bekor qilgani uchun beriladigan tovon pulidan voz kechdi.
AS xabariga ko‘ra, bugun, 28-may sanasida murabbiyning klub bilan 2025-yilgacha mo‘ljallangan shartnomasi rasman bekor qilinadi. Xavining tovon pulini rad etgani ortidan “Barselona” taxminan 12 million yevro tejaydi.
Shu bilan birga, Xavi murabbiylar shtabining sakkiz nafar a’zosi ham “Barselona”ni tark etadi. Ularning shartnomasi ham 2025-yilgacha mo‘ljallangan edi. Kataloniyaning sobiq murabbiyi murabbiylar shtabining barcha a’zolariga tovon puli berilishini talab qilgan. Murabbiylarga beriladigan tovon pulining umumiy miqdori qariyb 3 million yevroni tashkil qiladi.
Avvalroq, Hans Diter-Flik “Barselona”ning navbatdagi bosh murabbiyi bo‘lishi ma’lum qilingandi.
Xavi “Barselona”ni 2021-yilning noyabridan beri boshqarib kelayotgan edi. Uning qo‘l ostida jamoa Ispaniya chempionati va mamlakat Superkubogini qo‘lga kiritdi.
Izoh (0)