O‘zbekiston U-23 terma jamoasi Mali U-23 terma jamoasi bilan durang o‘ynadi

Futbol bo‘yicha O‘zbekiston U-23 terma jamoasi 7-iyun, juma kuni Maliga qarshi o‘rtoqlik o‘yinida ishtirok etdi.

Uchrashuvning 23-daqiqasida Alisher Odilov o‘zbekistonliklarni hisobda oldinga olib chiqdi. Bo‘lim Timur Kapadze shogirdlarining kichik ustunligi bilan yakunlandi.

Ikkinchi bo‘limda mehmonlar faollikni oshirdi va hisobni tenglashtirishga muvaffaq bo‘ldi. 62-daqiqada Bubakar Traore o‘z nomini tabloga yozdirib qo‘ydi. 

Qolgan daqiqalarda darvozalar ishg‘ol etilmadi va uchrashuv 1:1 hisobidagi durang natija bilan yakunlandi. 

Jamoalar 10-iyun kuni yana bir marta o‘rtoqlik o‘yinida o‘zaro to‘qnash keladi.

O‘rtoqlik o‘yini

7-iyun, juma

O‘zbekiston U-23 – Mali U-23 1:1

Gollar: 1:0 — 23 Alisher Odilov, 1:1 — 62 Traore.

O‘zbekiston U-23: 12. Vladimir Nazarov, 2. Saidazamat Mirsaidov, 5. Muhammadqodir Hamraliyev, 6. Ibrohimhalil Yo‘ldoshev, 10. Jasurbek Jaloliddinov, 11. Otabek Jo‘raqo‘ziyev, 15. Umarali Rahmonaliyev, 18. Alibek Davronov. 19. Husayn Norchayev, 22. Alisher Odilov, 23. Abdurauf Bo‘riyev.

Mali U-23: 1. Umar Kulibali, 2. Fod Dukure, 3. Diallo Hamidu, 4. Tunkara Mamadu, 6. Sako Koli, 8. Traore Bubakar, 10. Mamadu Sangare, 12. Yusuf Bemba, 17. Ahmad Diomande, 20. Samak Uilson, 21. Traore Fily.

Ogohlantirishlar: Mamadu Sangare (6), Otabek Jo‘raqo‘ziyev (38), Umarali Rahmonaliyev (42), Yusuf Bemba (45), Ahmad Diomande (76).