Turkiya Qishloq va o‘rmon xo‘jaligi vazirligi mamlakatga bug‘doy importini vaqtincha cheklashni rejalashtirmoqda. Cheklovlar 21-iyundan 15-oktyabrga qadar amal qiladi. Bu haqda “RBK” xabar berdi.
Bug‘doy importini to‘xtatish belgilangan sanaga qadar bozor sharoitlariga qarab uzaytirilishi mumkin. Qishloq xo‘jaligi vazirligi buni bug‘doy importining ortishi fonida ekinlar narxi sezilarli darajada pasaygan yoz mavsumida turk ishlab chiqaruvchilarini qo‘llab-quvvatlash uchun qilmoqda.
Shuningdek, Turkiya hukumati eksport uchun zarur bo‘lgan xomashyo yetkazib berishni mahalliy ishlab chiqarish orqali ta’minlash niyatida.
Bundan tashqari, ishlab chiqaruvchilarimizga o‘g‘itlar, dizel yoqilg‘isi va sertifikatlangan urug‘lar berish davom etadi, — deyiladi Turkiya vazirligi saytida.
Turkiya o‘zining ichki talabini qondirish uchun turli mamlakatlardan bug‘doy import qiladi. Bug‘doy eksport qiluvchi asosiy davlatlar qatoriga Rossiya, Ukraina, Qozog‘iston, Bolgariya va Ruminiya kiradi.
Izoh (0)