Toshkent tumanlarining ayrim hududlarida elektr taʼminoti vaqtincha to‘xtatiladi. Bu haqda “Toshkent shahar elektr tarmoqlari” xabar berdi.
Qayd etilishicha, isteʼmolchilarga sifatli va barqaror elektr energiyasi yetkazib berilishini taʼminlash va elektr tarmoqlaridagi avariyaviy holatlarni oldini olish hamda mavjud elektr qurilmalarida taʼmirlash ishlarini olib borish maqsadida 7-iyun kuni quyidagi manzillarda elektr taʼminoti vaqtincha o‘chiriladi:
- Bektemir tumani — “Abay” MFYning ayrim hududlarida soat 10:00 dan 17:00 gacha;
- Mirobod tumani — “Ming O‘rik”va “Barat Xodja” MFYlarining ayrim hududlarida soat 10:00 dan 17:00 gacha;
- Mirzo Ulug‘bek tumani — “Ijodkor”, “Temuriylar”, “Chingeldi”, “Iqtidor” hamda “Sarbon” MFYlarining ayrim hududlarida bugun soat 01:00 dan 05:00 gacha.
“Toshkent shahar elektr tarmoqlari” MCHJ mazkur taʼmirlash ishlari tufayli elektr taʼminotidagi vaqtincha uzilishlar sababli yetkazilayotgan noqulayliklar uchun ushbu hududlarda yashovchi isteʼmolchilardan uzr so‘raydi.
Shuningdek, taʼmirlash ishlari tufayli Chilonzor va Mirobod tumanlarining qator hududlariga 7-iyun kuni tabiiy gaz yetkazib berish vaqtincha to‘xtatiladi
Chilonzor tumani (soat 10:00 dan 17:00 gacha) — Chorbog‘ va Beshqo‘rg‘on ko‘chalari:
- aholi isteʼmolchilari soni — 900 ta xonadon;
- ulgurji isteʼmolchilar soni — 46 ta.
Mirobod tumani (soat 10:00 dan 16:00 gacha): Sarako‘l va Eski sarako‘l ko‘chalari:
- aholi isteʼmolchilari soni — 6 ta ko‘p qavatli uydagi 288 ta xonadon;
- ulgurji isteʼmolchilar soni — 10 ta.
“Banokatiy”, “Fitrat”, “Istiqlolobod” va “Navro‘z” MFYlarda gaz bosimi pasayadi.
Taʼmirlash ishlari tugatilgandan so‘ng, tabiiy gaz taʼminoti qayta tiklanadi. Yuzaga kelayotgan noqulayliklar uchun gaz taʼminoti filiali isteʼmolchilardan uzr so‘raydi.
Eslatib o‘tamiz, taʼmirlash ishlari tufayli Yunusobod, Shayxontohur, Mirzo Ulug‘bek, Sergeli va Yangihayot tumanlarining qator hududlariga 4-iyun kuni tabiiy gaz yetkazib berish vaqtincha to‘xtatilgan edi.
Izoh (0)