Toshkent viloyati Ohangaron tumanida bankdan qariyb 420 million so‘m qarzi bor fuqaroning mashinasi xatlandi. Bu haqda MIB axborot xizmati “Daryo”ga xabar berdi.
Byuroning Angren shahar bo‘limi ish yurituvida fuqarolik bo‘yicha Ohangaron tumanlararo sudining ijro varaqalariga asosan tijorat banklari foydasiga kredit qarzdorliklarni undirish bo‘yicha bir necha ijro ishlari ko‘rilgan.
Ish yurituvda qarzdor D.R.dan undiruvchi bank foydasiga 419 million so‘m kredit qarzini undirish bo‘yicha ijro hujjati bo‘yicha qarzdorlikni undirish maqsadida qarzdorning manziliga chiqilgan.
Fuqaro manzilidan topilmagach, YHXB xodimlari bilan hamkorlikda garovga qaratilgan Cherry avtotransport vositasi harakatlanib ketayotgan paytida to‘xtatilgan. Byuro xodimlar ushbu transportni xatlab jarima maydonchasiga joylashtirgan.
Izoh (0)