San-Fransisko politsiyasi 3-iyun kuni Isroil konsulligi binosi oldida namoyish uyushtirgan 70 dan ortiq fuqaroni hibsga olgan. Bu haqda US News nashri xabar berdi.
Manbada aytilishicha, Falastinni qo‘llab, namoyishga chiqqan fuqarolar Isroil konsulligi binosiga kirib olgan. Rasmiylarning qatʼiy ogohlantirishlariga qaramay, namoyishchilar binoni tark etmagan.
AQSHning San-Fransisko shahridagi politsiya favqulodda chaqiruvdan so‘ng voqea joyiga yetib borgan. Konsullik hududiga ruxsatsiz kirgan 70 dan ortiq fuqaro qo‘lga olingan.
Namoyishchilar ko‘p sonli bo‘lgani bois ularni politsiya idorasiga olib ketish uchun mikroavtobuslar chaqirtirilgan. Qarshilik qilgan fuqarolarni do‘pposlash holatlari ham kuzatilgan.
Politsiya fuqarolarni mahalliy boshqarmaga olib borgan va ular bilan tushuntirish olib borgan. Keyinchalik barcha namoyishchilar qo‘yib yuborilgani maʼlum qilingan.
Namoyishchilar Isroil konsullik binosi eshiklarga G‘azodagi urushni to‘xtatishga chaqiruvchi yozuvlarni va eʼlonlar ilgan. Tel-Aviv rasmiylarini Tinch aholini nishonga olishdan tiyilishga chaqirgan.
Isroilning San-Fransiskodagi bosh konsuli Marko Sermonetaning aytishicha, namoyishchilar ertalab soat 9:00 atrofida muassasa atrofida to‘plana boshlagan. Shundan so‘ng tashkilot xodimlari hujum sodir bo‘lishi ehtimolini inobatga olib, politsiyaga xabar bergan.
Izoh (0)