Qirg‘iziston Vazirlar Mahkamasi raisi – Prezident administratsiyasi rahbari Aqilbek Japarovning O‘zbekistonga tashrifi doirasida Qirg‘izistonning Toshkent shahridagi elchixonasi yangi binosining ochilish marosimi bo‘lib o‘tdi. Bu haqda O‘zbekiston bosh vazirining matbuot kotibi xabar berdi.
Qayd etilishicha, ikki mamlakat bosh vazirlari ramziy tasmani kesib, Qirg‘iziston diplomatik vakolatxonasi binosini ochib bergan. Elchixonada diplomatlar uchun yaratilgan sharoitlar bilan tanishgan.
Shuningdek, Abdulla Aripov va Aqilbek Japarov ikki mamlakatlar hamda qardosh xalqlar o‘rtasidagi do‘stlik munosabatlarini mustahkamlashga intilish ramzi sifatida ikki tup daraxt ekkan. Elchixona Faxriy mehmonlar kitobiga o‘z tilaklarini yozib qoldirgan.
- 2023-yilning noyabrida Zafarbek Ahmedov Qirg‘izistonning O‘sh shahriga O‘zbekistonning birinchi bosh konsuli etib tayinlangandi.
- Dekabr oyida esa Qirg‘izistonda O‘zbekiston bosh konsulligi rasman ochilgan edi.
- O‘zbekistonning O‘sh shahridagi bosh konsulligi 2022-yilda ish boshlagan bo‘lib, Qirg‘izistonning Botken, Jalolobod va O‘sh viloyatlariga xizmat ko‘rsatadi.
Izoh (0)