Ispaniyada mamlakat bosh vaziri Pedro Sanchezning rafiqasi Begona Gomes korrupsiya ayblovi ortidan sudga chaqirildi. Bu haqda ispan nashrlari tarqatgan xabarlarga asoslanib, Al Jazeera nashri xabar berdi.
Manbada aytilishicha, bosh vazirning rafiqasi 5-iyul kuni sudda bo‘ladi. Begona Gomes o‘z mansabidan foydalanib, biznes bitimlariga taʼsir o‘tkazganlikda ayblanmoqda. U sudning shu to‘g‘risidagi savollariga javob berishiga to‘g‘ri keladi.
Begona Gomes sud borasida o‘ziga berilgan savollarni ochiq qoldirgan. Uning turmush o‘rtog‘i, Ispaniya bosh vaziri Pedro Sanches esa ushbu holatni o‘zining yetakchiligidagi Sotsialistik ishchilar partiyasidan tuzilgan chap koalitsion hukumatga zarar yetkazish uchun “tuhmat kampaniyasi” deb atagan.
Ispaniya hukumati matbuot kotibi Pilar Alegria seshanba kuni jurnalistlarga bergan intervyusida Begona Gomes bilan bog‘liq tergov jarayoni “yolg‘on va dezinformatsiya”ga asoslangani, hukumat ham ayblashga asos bo‘ladigan hech qanday sabab yo‘qligini yaxshi tushunishini aytgan.
Aprel oyida ham sud bosh vazir rafiqasini korrupsiyada ayblagan edi. Ushbu voqea ortidan bosh vazir o‘z vazifasini topshirish niyatini oshkor qilgan. Ushbu bayonot muhim qadam bo‘lib, mamlakatda Pedro Sanches siyosiy obro‘sini himoya qilib bergani aytilgan. 5 kunlik muhokamalardan so‘ng esa Sanches lavozimida qolishi hamda “yangi kuch bilan” ish olib borishini bildirgan.
Izoh (0)