Испанияда мамлакат бош вазири Педро Санчезнинг рафиқаси Бегона Гомес коррупция айблови ортидан судга чақирилди. Бу ҳақда испан нашрлари тарқатган хабарларга асосланиб, Al Jazeera нашри хабар берди.
Манбада айтилишича, бош вазирнинг рафиқаси 5 июль куни судда бўлади. Бегона Гомес ўз мансабидан фойдаланиб, бизнес битимларига таъсир ўтказганликда айбланмоқда. У суднинг шу тўғрисидаги саволларига жавоб беришига тўғри келади.
Бегона Гомес суд борасида ўзига берилган саволларни очиқ қолдирган. Унинг турмуш ўртоғи, Испания бош вазири Педро Санчес эса ушбу ҳолатни ўзининг етакчилигидаги Социалистик ишчилар партиясидан тузилган чап коалицион ҳукуматга зарар етказиш учун “туҳмат кампанияси” деб атаган.
Испания ҳукумати матбуот котиби Пилар Алегриа сешанба куни журналистларга берган интервьюсида Бегона Гомес билан боғлиқ тергов жараёни “ёлғон ва дезинформация”га асослангани, ҳукумат ҳам айблашга асос бўладиган ҳеч қандай сабаб йўқлигини яхши тушунишини айтган.
Апрель ойида ҳам суд бош вазир рафиқасини коррупцияда айблаган эди. Ушбу воқеа ортидан бош вазир ўз вазифасини топшириш ниятини ошкор қилган. Ушбу баёнот муҳим қадам бўлиб, мамлакатда Педро Санчес сиёсий обрўсини ҳимоя қилиб бергани айтилган. 5 кунлик муҳокамалардан сўнг эса Санчес лавозимида қолиши ҳамда “янги куч билан” иш олиб боришини билдирган.
Изоҳ (0)