Ispaniya bosh vaziri Pedro Sanchesning rafiqasi — Begonya Gomes COVID-19 koronavirusi bilan kasallandi. Bu haqda Ispaniya bosh vaziri idorasining rasmiy bayonotiga asoslanib, “RBK” xabar bermoqda.
“So‘nggi soatlarda Monkloa saroyida bosh vazirga yaqin kishilar o‘rtasida o‘tkazilgan tahlillar uning rafiqasi Begonya Gomes bilan bog‘liq holatda ijobiy natija ko‘rsatdi”, — deyiladi xabarda.
Qayd etishlaricha, Ispaniya bosh vaziri va uning 45 yoshli ayoli o‘zini yaxshi his qilmoqda. Ularning har ikkisi Monkloa saroyida va sog‘liqni saqlash organlari tomonidan belgilangan profilaktika choralariga to‘liq rioya etmoqda.
Mavzuga doir: Kanada bosh vazirining rafiqasida koronavirus aniqlandi
Ushbu cheklovlar keksa odamlar, bolalar, nogironligi bor insonlarga g‘amxo‘rlik qilayotganlar yoki bank va sug‘urta kompaniyalariga borayotganlarga taalluqli emas. Bundan tashqari, hukumat favqulodda (fors-major) holatlar ham inobatga olinishini bildirgan.
Ispaniyada koronavirus infeksiyasining tarqalishi munosabati bilan oziq-ovqat do‘konlari va dorixonalardan boshqa barcha do‘konlar yopilmoqda, bar, mehmonxona va o‘quv muassasalarining faoliyati vaqtincha to‘xtatilmoqda.
Ispaniyada koronavirus yuqtirib olish bilan dastlabki holat 1-fevral kuni aniqlangan edi. 15-mart holatiga ko‘ra, mamlakatda koronavirusga chalinish bilan bog‘liq salkam 6,4 mingta holat aniqlangan, 196 kishi vafot etgan, 517 kishi sog‘aygan.
Mavzuga doir:
- O‘zbekistonliklarga Fransiya, Ispaniya va Britaniyaga bormaslik tavsiya qilindi
- “Real” klubi karantinga olindi. La Liga o‘yinlari ikki haftaga to‘xtatildi
- O‘zbekistonda koronavirus tarqalgan 14 davlatdan kelgan fuqarolarni karantinga olish haqida qaror qabul qilindi. Karantinni buzganlar javobgarlikka tortiladi
Izoh (0)