Buyuk Britaniya Livan rasmiylarini iyun o‘rtalarida Isroil hujumi sodir bo‘lishi haqida ogohlantirgan. Bu haqda Livan mahalliy nashrlariga asoslanib, Times of Israel xabar berdi.
Manbada aytilishicha, Britaniya xavfsizlik xizmatlari Bayrutdagi maʼmuriyatga hujum haqida maʼlum qilgan. Iyun o‘rtalaridan sodir bo‘lishi aytilgan hujum qaysi yo‘nalishda va qancha muddat davom etishi haqida maʼlumot mavjud emas.
London rasmiylari hujum “keng ko‘lamli” bo‘lishini xabar qilgan. Livan yetakchilariga “urush uchun zarur shart-sharoitlarni yaratishni” tavsiya qilgan.
Livandagi Al Axbor nashri Britaniya razvedkasi Livan hukumatiga hujum haqida bir qancha maʼlumotlar topshirganini yozgan. Hukumat favqulodda vaziyat sababli bu maʼlumotlar haqida hisobot bermagan.
Bir qancha Yaqin Sharq manbalari Isroil Livan janubida quruqlik hujumlari uyushtirishi mumkinligini yozgan. Bir guruh siyosiy tahlilchilar esa nishon Livan poytaxti Bayrut bo‘lishi mumkinligidan xavotir bildirgan.
AQSH Isroil va Livan “Hizbulloh”ini muzokaralarga qaytishga chaqirgan. Vashington rasmiylari Isroil va Livan bir-biriga dushman bo‘la olmasligi, keskinlik faqat Isroil mudofaa kuchlari hamda Livan aholisi bir qismi manfaatlarini ifoda etuvchi “Hizbulloh” o‘rtasidagina yuz berayotganini aytgan.
Isroil hukumati hujum haqida tarqatilgan xabarlarga munosabat bildirmagan.
Izoh (0)