AQSH ma’muriyati Ukraina uchun qo‘shimcha havo mudofaa tizimlarini sotib olish bilan shug‘ullanadi.
Bu haqda AQSH prezidentining milliy xavfsizlik bo‘yicha yordamchisi Jeyk Sallivan ma’lum qilgan.
“Bir tomondan, Ukraina osmonini raketalardan himoya qilish uchun havo mudofaasiga muhtoj va bu insonlar hayotini saqlab qolish uchun kerak. Shu bilan birga, bu tizimlar Ukraina iqtisodini saqlab qolish uchun juda muhim.
AQSH hozirda Ukraina uchun havo mudofaa tizimlarini sotib olish uchun faol ishlamoqda”, — dedi u Vashingtondagi tashqi siyosat masalalariga bag‘ishlangan forumda so‘zlagan nutqida.
Sallivanning so‘zlariga ko‘ra, Ukrainaga “frontdagi harbiy xizmatchilarni qo‘llab-quvvatlash uchun resurslar ishlab chiqaradigan iqtisodiyot” kerak.
“Biz urush harakatlarini qo‘llab-quvvatlash bilan bir qatorda, Ukraina iqtisodiyotini qo‘llab-quvvatlamasligimiz mantiqqa zid. Bu samarali harbiy kampaniya o‘tkazish qoidasiga zid”, — deya qo‘shimcha qildi u.
Izoh (0)