AQSH sobiq rahbari Donald Tramp prezident lavozimiga qayta saylansa, 1963-yilda AQSHning 35-prezidenti Jon Kennedining o‘ldirilishi, 2001-yil 11-sentyabrdagi teraktlar bilan bog‘liq materiallarni maxfiylikdan chiqarishga va’da berdi. Bu haqda uning Fox News’ga bergan intervyusiga tayanib, “TASS” xabar berdi.
Trampdan Amerika jamoatchiligining Markaziy razvedka va Federal qidiruv byurosi kabi organlarga ishonchini tiklashda uning hujjatlarni maxfiylikdan chiqarish ehtimoli qandayligi so‘raldi. Siyosatchi prezidentlik davrida Kennedining o‘ldirilishi bo‘yicha “ko‘plab materiallar”ni oshkor qilgani va buni davom ettirishini ta’kidladi.
Shuningdek, u qayta saylangan taqdirda, AQSH Bosh prokurori lavozimiga “ikkita nomzodi” borligini aytdi. Tramp prezidentlik davrida Bosh prokuror lavozimiga nomzodlar bo‘yicha bir nechta noto‘g‘ri qarorlar qabul qilganini tan oldi.
AQSHda prezidentlik saylovlari 5-noyabr kuni bo‘lib o‘tadi. Tramp Respublikachilar partiyasidan davlat rahbarilikka nomzod sifatida ko‘rsatilishi uchun zarur bo‘lgan ovoz to‘plagan. Ikkinchi muddatga da’vogarlik qilayotgan Jo Baydenni Demokratik partiyadan yetarli miqdordagi delegatlar qo‘llab-quvvatlagan.
Izoh (0)