AQSHning sobiq prezidenti Donald Tramp Vashingtonda bo‘lib o‘tgan Libertarlar milliy qurultoyida agar u qayta saylansa, Rossiya va Ukraina o‘rtasidagi mojaroga chek qo‘yishga va’da berdi.
Prezidentlik saylovida g‘alaba qozonganimdan keyin Oval kabinetga qaytishimdan oldin, Rossiya va Ukraina o‘rtasidagi dahshatli urushga barham beraman, shunda biz boshqa odamlarning mojarolariga yuzlab million dollarlarni behuda sarflashni to‘xtatamiz va minglab odamlarning hayotini saqlab qolamiz, — dedi Tramp
Siyosatchi aynan qanday natijaga erishmoqchi ekanligi tafsilotlarini oshkor qilmagan. Bundan tashqari, u tinchlik va barqarorlikni tiklashga, AQSHning amaldagi prezidenti Jo Baydenning uchinchi jahon urushi sari yurishini to‘xtatishga va’da bergan.
Siz uchinchi jahon urushi tomon ketayotganimizni bilasiz, to‘g‘rimi? — so‘radi Tramp.
Tramp avvalroq agar u qayta saylansa, Rossiya va Ukraina o‘rtasidagi mojaroni atigi 24 soat ichida hal etish niyatida ekanini bir necha bor ta’kidlagan edi. Prezident matbuot kotibi Dmitriy Peskov ushbu bayonotlarni sharhlar ekan, bunday oddiy yechim uchun bu juda murakkab muammo ekanligini ta’kidlagan.
Ma’lumot uchun, AQSHda prezidentlik saylovlari 2024-yil 5-noyabrda bo‘lib o‘tadi. Saylov poygasining asosiy ishtirokchilari — amaldagi davlat rahbari, demokrat Jo Bayden hamda sobiq Amerika yetakchisi, respublikachi Donald Tramp.
Izoh (0)