AQSH va Buyuk Britaniya dengiz kuchlari 31-may kuni Yamanning g‘arbiga hujum uyushtirishi oqibatida 16 kishi halok bo‘lgan. Bu haqda Yamandagi “Ansorulloh” harakati matbuot xizmati tarqatgan xabarga asoslanib, National News nashri xabar berdi.
Manbada aytilishicha, AQSH Yamandagi husiylarga zarba berish uchun Qizil dengizga “Eyzenhauer” aviatashuvchisini olib kirgan. Yaman g‘arbidagi harbiy nuqtalarga zarba berilgan.
Hujumlar oqibatida Yamanda 16 fuqaro halok bo‘lgani, 42 kishining yaralanganini aytilgan. AQSh va Buyuk Britaniya zarbalari asosan Sana, Hudayda va Taiz viloyatlariga qaratilgan.
“Hudaydaga berilgan havo hujumlari natijasida 16 kishi halok bo‘ldi, 41 kishi jarohat oldi. Hudayda radiosi binosi va Al Salif portidagi Sohilni qo‘riqlash inshooti ham portlatilgan. Qurbonlar orasida tinch aholi vakillari ko‘p”, — deyilgan husiylar matbuot kotibi xabarida.
- Buyuk Britaniya Mudofaa vazirligi 30-may kuni husiylarga qarshi operatsiya Qizil dengiz va Adan ko‘rfazidagi xalqaro kemalarga hujumlar davomiyligini cheklash uchun amalga oshirilishini maʼlum qilgan edi.
- Bir qancha yaqin Sharq nashrlari xabar berishicha, AQSH harbiylari 13 ta nishonni muvaffaqiyatli yo‘q qilgan.
- Husiylarga aloqadorlikda gumon qilingan tijorat kemalariga ham zarba berilgan.
Izoh (0)