Yevropa Ittifoqi 31-may, juma kuni Eron Mudofaa vazirligi rahbari Muhammad Rizo Karai Ashtianiyga qarshi sanksiyalar kiritdi, deb xabar berdi Yevropa Ittifoqining rasmiy jurnali. Bunga Eronning Rossiyaga harbiy sohada yordam bergani sabab bo‘lgan.
Mudofaa vaziridan tashqari, yana besh nafar jismoniy va uch nafar yuridik shaxs sanksiya joriy qilinganlar ro‘yxatiga kiritilgan. Ular orasida, xususan, Islom inqilobi qo‘riqchilari korpusi dengiz kuchlari, Eron qurolli kuchlarining qo‘shma qo‘mondonligi, Eron harbiy qo‘mondoni G‘ulom-Ali Rashid va brigada generali Ismoil Qaani bor.
Yevropa Ittifoqi pozitsiyasiga ko‘ra, “Rossiya Ukrainada Eronda ishlab chiqarilgan dronlardan foydalanmoqda”.
G‘arb davlatlari Rossiya Federatsiyasi Ukrainadagi amaliyotlar chog‘ida Eron dronlaridan foydalangan va foydalanmoqda, deb da’vo qilmoqda. Moskva va Tehron esa buni rad etadi.
Izoh (0)