АҚШ ва Буюк Британия денгиз кучлари 31 май куни Яманнинг ғарбига ҳужум уюштириши оқибатида 16 киши ҳалок бўлган. Бу ҳақда Ямандаги “Ансоруллоҳ” ҳаракати матбуот хизмати тарқатган хабарга асосланиб, National News нашри хабар берди.
Манбада айтилишича, АҚШ Ямандаги ҳусийларга зарба бериш учун Қизил денгизга “Эйзенҳауэр” авиаташувчисини олиб кирган. Яман ғарбидаги ҳарбий нуқталарга зарба берилган.
Ҳужумлар оқибатида Яманда 16 фуқаро ҳалок бўлгани, 42 кишининг яраланганини айтилган. АҚШ ва Буюк Британия зарбалари асосан Сана, Ҳудайда ва Таиз вилоятларига қаратилган.
“Ҳудайдага берилган ҳаво ҳужумлари натижасида 16 киши ҳалок бўлди, 41 киши жароҳат олди. Ҳудайда радиоси биноси ва Ал Салиф портидаги Соҳилни қўриқлаш иншооти ҳам портлатилган. Қурбонлар орасида тинч аҳоли вакиллари кўп”, — дейилган ҳусийлар матбуот котиби хабарида.
- Буюк Британия Мудофаа вазирлиги 30 май куни ҳусийларга қарши операция Қизил денгиз ва Адан кўрфазидаги халқаро кемаларга ҳужумлар давомийлигини чеклаш учун амалга оширилишини маълум қилган эди.
- Бир қанча яқин Шарқ нашрлари хабар беришича, АҚШ ҳарбийлари 13 та нишонни муваффақиятли йўқ қилган.
- Ҳусийларга алоқадорликда гумон қилинган тижорат кемаларига ҳам зарба берилган.
Изоҳ (0)