Klubning asosiy aksionerlaridan biri Retkliff “Manchester Yunayted” uchun beshta transfer qoidasini o‘rnatdi. Bu haqda The Sun nashri xabar bermoqda.
Manbaga ko‘ra, ularning mohiyati quyidagicha:
- Yangi transferlar uchun futbolchining yosh chegarasi — 25 yosh;
- Super yulduzlar bilan shartnoma imzolanmaydi;
- O‘yin uslubini texnik direktor Jeyson Uilkoks belgilaydi;
- Murabbiydan aniq o‘yinchi haqida emas, balki kuchaytirish kerak bo‘lgan pozitsiya haqida so‘raladi;
- Rahbariyat murabbiyga har bir pozitsiya uchun uchtadan futbolchini tanlashni taklif qiladi.
2023—2024-yilgi mavsumda “Manchester Yunayted” 38 o‘yinda 60 ochko jamg‘arib, Angliya Premyer Ligasida sakkizinchi o‘rinni egalladi. Shu bilan birga, “qizil iblislar” finalda mamlakat chempioni “Manchester Siti”ni 2:1 hisobida mag‘lub etib, Angliya kubogi sohibiga aylandi.
Klub rahbariyati bosh murabbiy ten Hag o‘rniga joriy mavsum yakunida Myunxen klubini tark etadigan “Bavariya” bosh murabbiyi Tomas Tuxel hamda “Ipsvich” bosh murabbiyi Kiran Makkenna bilan muzokaralar o‘tkazayotgani haqida xabarlar mavjud.
Izoh (0)