Fransiya terma jamoasi bosh murabbiyi Didye Desham “PSJ” hujumchisi Kilian Mbappening jismoniy holati haqida fikr bildirdi.
“Mbappega kelsak, u yaxshi formada deb o‘ylamaysizmi? U mavsum davomida atigi 44 ta gol urdi, u bundan ko‘proq gol ura olardi. Kilian Fransiya kubogi finalida o‘ynadi va faol bo‘ldi. Boshqalar undan oldinroq o‘ynashni to‘xtatdilar. Lekin rostini aytsam, men sehrgar emasman. Siz qisqa vaqt ichida hech narsani o‘zgartira olmaysiz. Klub miqyosida nimalar sodir bo‘ladi, bu terma jamoaga taalluqli emas. Kilian har doim terma jamoaning bir qismi bo‘lgan. Shubhasiz, uning o‘z klubida majburiyatlari bor, lekin uning termadagi vazifalari ham kam emas”, — deya Desham so‘zlarini keltiradi AS.
Fransiya terma jamoasi va parijliklarning 25 yoshli hujumchisi Kilian Mbappe 2023—2024-yilgi mavsumda klub safida barcha musobaqalarda 48 ta o‘yinda maydonga tushib, 44 ta gol urdi va 10 ta golli uzatmani amalga oshirdi. So‘nggi beshta o‘yinda hujumchi bitta gol urdi.
Mbappe jarohati tufayli Fransiya 1-ligasining so‘nggi ikki turini o‘tkazib yubordi. U so‘nggi bor 25-may kuni Fransiya kubogi finalida o‘ynadi.
Izoh (0)