Ijtimoiy tarmoqlarda Matiz’ning yuk mashinasiga nisbatan yuzaga keltirgan avariyaviy holati aks etgan video tarqaldi. Holat yuzasidan Toshkent shahar IIBB YHXB axborot xizmati munosabat bildirdi.
Maʼlum qilinishicha, Matiz rusumli, 01 D 041 NB davlat raqam belgili avtomashina haydovchisi harakat davomida davlat raqam belgisi 01 561 JKA bo‘lgan MAN rusumli jamoat transport vositasiga nisbatan avariyaviy xavfli holat qilib harakatlanganligi aks etgan video tarqaldi.
Video Toshkent shahar IIBB YHXB xodimlari tomonidan o‘rganilib, Matiz haydovchisi I.E.ga nisbatan qoidabuzarlik yuzasidan MJTKning 128⁵-moddasiga (transport vositalari haydovchilarining xalaqit berishi yoki avariya holatini yuzaga keltirishi, yo‘lning qarama-qarshi harakatlanish uchun mo‘ljallangan tomoniga yoki bo‘lagiga chiqishi) muvofiq maʼmuriy bayonnoma rasmiylashtirildi hamda haydovchilar bilan profilaktik suhbat olib borildi.
Izoh (0)