“O‘zga sayyoralik”, “Va’da berish — uylanish degani emas”, “Charli farishtalari” filmlaridagi obrazlari bilan Gollivudda mashhur bo‘lgan aktrisa Dryu Blayt Berrimor Hemptondagi uyini sotuvga qo‘ydi. Bu haqda “Korrespondent.net” xabar bermoqda.
Foto: YouTube
Xonadon 8,45 million dollarga baholanmoqda. Ulkan va hashamatli uy 1920-yillarda qurilgan bo‘lib, qaytadan rekonstruksiya qilingan.
49 yoshli aktrisa ko‘chmas mulkni 2019-yilda 5,5 million dollarga sotib olgan va kapital ta’mirdan o‘tkazgan. Uning uyi yam-yashil daraxtlar, bog‘lar va sohilga yaqin hududda joylashgan.
Xonadonda 7 ta yotoqxona va 7 ta vannaxona bor. Bundan tashqari, mehmonlar tunab qolishi uchun alohida xonalar va dam olish zonalari ham mavjud. Uy interyerida och va yorqin ranglardan foydalanilgan. Xonalarga quyosh nuri yaxshi yetib kelishi uchun panorama oynalar bilan ishlangan. Shuningdek, Dryu xonadonidan media xona, teatr, omborxona va hovlida ulkan hovuz o‘rin olgan.
Izoh (0)