Buyuk Britaniyada ishlab kelgan ayol 6 oyda 10 ming dollardan ortiq daromad qildi, deb xabar bermoqda Tashqi mehnat migratsiyasi agentligi.
Buyuk Britaniya ish beruvchilari tomonidan bo‘sh ish o‘rinlari uchun tashkil etilgan tanlovlardan muvaffaqiyatli o‘tgan fuqarolarning navbatdagi guruhi, yaʼni 112 nafari mavsumiy qishloq xo‘jaligi sohasida ishlash uchun ushbu davlatga jo‘nab ketdi. Shartnoma muddati: 6 oy. Ish haqi: 1500-2000 AQSH dollari atrofida.
Ular orasida qayta ketayotgan ayol ham bo‘lib, u fermadan xat kelganini aytdi. Shuningdek, avvalgi borganida qancha daromad topganini maʼlum qildi.
Mavsumiy ishga borish uchun xabar topdik. Suhbatdan o‘tib, yig‘ilib borganmiz. O‘tgan yili 31-mayda uchib ketganmiz 15-noyabrda olti oyda qaytib kelganmiz. Ishimiz qiyin emasdi, pomidor qadoqlardik. 10 ming dollardan ortiq pul ishlab kelganmiz. Bu yil fermadan o‘zlari taklifnoma jo‘natdi. Shu sababli yana ketyapmiz”, — deydi ayol.
Izoh (0)