Буюк Британияда ишлаб келган аёл 6 ойда 10 минг доллардан ортиқ даромад қилди, деб хабар бермоқда Ташқи меҳнат миграцияси агентлиги.
Буюк Британия иш берувчилари томонидан бўш иш ўринлари учун ташкил этилган танловлардан муваффақиятли ўтган фуқароларнинг навбатдаги гуруҳи, яъни 112 нафари мавсумий қишлоқ хўжалиги соҳасида ишлаш учун ушбу давлатга жўнаб кетди. Шартнома муддати: 6 ой. Иш ҳақи: 1500-2000 АҚШ доллари атрофида.
Улар орасида қайта кетаётган аёл ҳам бўлиб, у фермадан хат келганини айтди. Шунингдек, аввалги борганида қанча даромад топганини маълум қилди.
Мавсумий ишга бориш учун хабар топдик. Суҳбатдан ўтиб, йиғилиб борганмиз. Ўтган йили 31 майда учиб кетганмиз 15 ноябрда олти ойда қайтиб келганмиз. Ишимиз қийин эмасди, помидор қадоқлардик. 10 минг доллардан ортиқ пул ишлаб келганмиз. Бу йил фермадан ўзлари таклифнома жўнатди. Шу сабабли яна кетяпмиз”, — дейди аёл.
Изоҳ (0)