O‘zbekistonda rus tilini yaxshi biladigan 1200 kishi uchun Slovakiyadagi avtomobil zavodida ish taklif qilinmoqda. Bu haqda Bandlik vazirligi xabar berdi.
Oylik maosh 900 yevro, ish hajmiga qarab turli bonuslar beriladi, xodim tibbiy sug‘urta qilinadi.
Ish haftasiga 5 kunni tashkil etadi. Ishga 18 yoshdan 50 yoshgacha bo‘lgan, rus tilini yaxshi biladigan erkaklar qabul qilinadi.
Ro‘yxatdan o‘tgan nomzodlar rus tilidan onlayn test orqali saralab olinadi.
Tanlovdan o‘tgan, ish beruvchining talabiga mos keluvchi nomzodlar 4 kundan 7 kungacha amaliy mashg‘ulotlarni o‘taydi. Mashg‘ulot to‘lovlari, ishchi viza hamda Slovakiyaga borish xarajatlari nomzod tomonidan qoplanadi.
Avtomobil zavodida vaqtincha ishlash istagida bo‘lgan fuqarolar 2024-yil 16-maydan 20-may soat 18:00 gacha quyidagi havola orqali ro‘yxatdan o‘tishi lozim.
Izoh (0)