Ukraina Qurolli kuchlari bosh qo‘mondoni Aleksandr Sirskiy Xarkov viloyatidagi vaziyatni sezilarli darajada og‘irlashgan” deb atadi. Bu haqda u o‘zining Telegram kanalida xabar berdi.
Sirskiy Ukraina armiyasi qarshi tomonning rejalarini bilishiga va Rossiyaning barcha harakatlariga javob qaytarishga ishontirdi.
Dushmanning rejalarini bilamiz va uning barcha harakatlariga munosabat bildiramiz. Mudofaani kuchaytirish uchun barcha zarur choralar ko‘riladi va operativ qarorlar, shu jumladan, kadrlar borasida ham qabul qilinadi.
Bu hafta Xarkov viloyatida vaziyat sezilarli darajada og‘irlashdi. Hozirda Rossiya bilan davlat chegarasidagi chegara hududlarida janglar davom etmoqda. Vaziyat og‘ir, ammo Mudofaa kuchlari mudofaa chizig‘i va pozitsiyalarini ushlab, dushmanni mag‘lubiyatga uchratish uchun hamma ishni qilmoqda”.
Sirskiyning so‘zlariga ko‘ra, Kupyansk, Seversk, Limansk, Pokrovsk yo‘nalishlarida shiddatli janglar davom etmoqda va vaziyat dinamik o‘zgarib bormoqda. Kramatorsk yo‘nalishida Rossiya Chasov Yar shahrini egallashga urinishlarini to‘xtatmayapti va shahar sharqidagi hujum operatsiyalarini davom ettirmoqda.
Shu bilan birga, bosh qo‘mondon harbiylar dam olishi va brigadalarning jangovar samaradorligini tiklash uchun bo‘linmalar hamon rotatsiya qilinishini aytdi.
Izoh (0)