Россия армияси 15 май куни Украинанинг Харьков вилояти ҳудудидаги 2 та аҳоли пунктида назоратни ўз қўлига олган. Бу ҳақда Россия Мудофаа вазирлиги баёнотига асосланиб, Reuters нашри хабар берди.
Манбада айтилишича, Россия кучлари Запорожье вилояти жанубида ҳам олдинга силжишга эришган. Битта аҳоли пункти устидан назорат қўлга киритилган.
Россия Мудофаа вазирлиги айни дамда Харьков вилоятидаги Глубокое ва Лукянци аҳоли пунктларида руслар ҳарбий позициялари мустаҳкамланаётганини билдирган. Россиянинг “Шимолий” ҳарбий гуруҳи бўлинмалари шиддатли жанглардан сўнг душман мудофаа чизиғига чуқур кириб боргани айтилган.
Вазирлик Харьков вилоятининг бошқа ҳудудларида ҳам шиддатли жанглар кетаётганини хабар қилган. Вилоят чегарасида Россиянинг учта ҳужуми қайтарилган.
Украина ҳарбийлари 14 май куни кечки пайт Киев қўшинлари Харьков вилоятининг икки ҳудудида “фойдалироқ” позицияларга қайтганини маълум қилган. Мудофаа чизиғидаги ушбу чекиниш “ҳарбий хизматчиларнинг ҳаётини сақлаб қолиш ва талафотларнинг олдини олиш учун” амалга оширилгани айтилган.
Россиянинг “Днепр” ҳарбий гуруҳи бўлинмалари ҳам жанубий йўналишда олдинга силжиб, Работино аҳоли пунктида тўлиқ назорат ўрнатган. Запорожье вилоятининг бир қанча ҳудудларида нисбатан фаол жанглар кузатилган.
Изоҳ (0)