Isroil kuchlari 14-may kuni G‘azo sektoridagi Nuseyrat qochqinlar lageriga hujum qilishi oqibatida 20 nafar falastinlik halok bo‘ldi. Bu haqda Al Jazeera nashri xabar berdi.
Voqea haqida bevosita G‘azo hududida bo‘lib turgan Al Jazeera muxbirlari xabar bergan. G‘azodagi bir qancha manbalar ham xabarni tasdiqlagan.
Xabarda aytilishicha, Nuseyrat lageri hududidagi turar joy binosi va maktab hujum qilingan. Oqibatda 20 nafar tinch aholi vakillari halok bo‘lgan.
Halok bo‘lganlar jasadlari Dayr al-Balahdagi Al-Aqso kasalxonasiga olib kelingan. Hujum oqibatida jarohatlanganlar ham shu yerga keltirilgani maʼlum qilingan.
Rasmiylar hodisa oqibatida halok bo‘lganlar sonini ochiqlamagan. Hujumdan keyin yuzaga kelgan vayronalar ostida ham jasadlar bo‘lishi mumkinligi aytilgan.
Isroilga chegaradosh Iordaniya hukumati Tel-Avivning qochqinlar lageri va Al-Aqso masjidiga hujumini qoralagan. Isroil harbiylarini operatsiya jarayonida tinch aholi orasida qurbonlar bo‘lmasligi uchun yetarli choralar ko‘rishga chaqirgan.
Izoh (0)