O‘zbekistonda bir yilda qancha erta turmush holatlari aniqlangani ochiqlandi

O‘zbekistonda bir yilda 22 ta erta turmush holatlari aniqlangani ma’lum bo‘ldi. 

Xabar qilinishicha, prokuratura organlari tomonidan erta nikoh holatlarini aniqlash va sodir etilgan erta nikohlar holatlariga samarali kurash masalasida prokuror nazorat hujjatlari qo‘llaniladi. O‘tgan davr mobaynida 22 ta erta nikoh holati aniqlangan. 

Holatlar yuzasidan 41 nafar shaxs ma’muriy javobgarlikka tortilgan. 55 ta erta nikoh holatlarining esa oldi olingan. Erta nikoh oldini olish maqsadida profilaktik ishlar amalga oshiriladi. Mazkur holatda ota-onalarga nisbatan ma’muriy javobgarlik hamda nikohni o‘qigan diniy ulamoga nisbatan javobgarlik masalasi ko‘riladi.