“O‘zgidromet” kelasi hafta boshida kuzatiladigan ob-havo prognozini e’lon qildi

“O‘zgidromet” 13—15-may kunlari respublika hududida kuzatiladigan ob-havo ma’lumotini e’lon qildi.

Qoraqalpog‘iston Respublikasi va Xorazm viloyatida havo biroz bulutli bo‘ladi, 13-mayda yog‘ingarchilik kutilmaydi, faqat Qoraqalpog‘iston Respublikasining baʼzi joylarida qisqa muddatli yomg‘ir yog‘ishi, momaqaldiroq bo‘lishi mumkin. 14-mayda baʼzi joylarda qisqa muddatli yomg‘ir yog‘ishi, momaqaldiroq bo‘lishi mumkin. 15-mayda yog‘ingarchilik kutilmaydi. Sharqiy shamol yo‘nalishini o‘zgartirib g‘arbdan 7-12 metr/sekund tezlikda esadi; 13-mayda baʼzi joylarda 15-20 metr/sekundgacha kuchayishi, ayrim joylarda chang-to‘zon bilan kuzatilishi mumkin. Harorat 13-mayda kechasi 15-20 daraja, kunduzi 30-35 daraja; 14-mayda kechasi 15-20 daraja, kunduzi 28-33 daraja; 15-mayda kechasi 13-18 daraja, kunduzi 28-32 daraja bo‘ladi.

Buxoro va Navoiy viloyatlarida havo biroz bulutli bo‘ladi, yog‘ingarchilik kutilmaydi. Shamol sharqdan 7-12 metr/sekund tezlikda esadi, 13-mayda baʼzi joylarda 15-20 metr/sekundgacha kuchayishi, ayrim joylarda chang-to‘zonlar bilan kuzatilishi mumkin. Harorat 13-mayda kechasi 14-19 daraja, kunduzi 30-35 daraja; 14-mayda kechasi 15-20 daraja, kunduzi 33-38 daraja; 15-mayda kechasi 15-20 daraja, kunduzi 28-33 daraja issiq bo‘ladi.

Toshkent, Samarqand, Jizzax va Sirdaryo viloyatlarida havo biroz bulutli bo‘ladi, yog‘ingarchilik kutilmaydi. Shamol sharqdan 7-12 metr/sekund tezlikda esadi. Harorat 13-mayda kechasi 12-17 daraja, kunduzi 27-32 daraja; 14—15-mayda kechasi 15-20 daraja, kunduzi 30-35 daraja bo‘ladi.

Qashqadaryo va Surxondaryo viloyatlarida havo biroz bulutli bo‘ladi, yog‘ingarchilik kutilmaydi. Shamol sharqdan 7-12 metr/sekund tezlikda esadi. Harorat kechasi 14-19 daraja, kunduzi 13-mayda 30-35 daraja; 14—15-mayda 33-38 daraja issiq bo‘ladi.

Andijon, Namangan va Farg‘ona viloyatlarida havo biroz bulutli bo‘ladi, yog‘ingarchilik kutilmaydi. Shamol sharqdan 5-10 metr/sekund tezlikda esadi. Harorat 13-mayda kechasi 12-17 daraja, kunduzi 25-30 daraja; 14-mayda kechasi 14-19 daraja, kunduzi 27-32 daraja; 15-mayda kechasi 14-19 daraja, kunduzi 30-35 daraja bo‘ladi.

Respublikaning tog‘li hududlarida havo biroz bulutli bo‘ladi, yog‘ingarchilik kutilmaydi. Shamol sharqdan 7-12 metr/sekund tezlikda esadi. Harorat 13-mayda kechasi 7-12 daraja, kunduzi 15-20 daraja; 14—15-mayda kechasi 10-15 daraja, kunduzi 23-28 daraja bo‘ladi.

Avvalroq O‘zbekistonda 12-may kuni havo harorati 32 darajagacha ko‘tarilishi to‘g‘risida xabar berilgandi.