“Benom” guruhi aʼzolari Sarvar va Komilning ijod olamiga kirib kelganlariga bu yil 14-yil to‘ladi. 2006-yili sinfdosh do‘stlar kelishgan holda maktab tadbirlarida ishtirok etib uchun jo‘rovozlikda qo‘shiq kuylashga qaror qilishadi. 2010-yilda esa “Tarona rekords” studiyasi ko‘magida “Benom” guruhi tashkil etiladi va ular “Qizaloq” qo‘shig‘i bilan muxlislar eʼtiboriga tushishadi. Bugungi kunda Sarvar va Komil nafaqat xonanda, balki qo‘shiqlar yaratuvchisi ham tanilishgan.
“Daryo” muxbirlari xonandalarning navbatdagi konsert dasturida mehmon bo‘lishdi, sahna va uning ortidagi qiziqarli voqealar haqida reportaj tayyorlashdi.
Sarvar va Komilning navbatdagi konserti ham noodatiyligi, o‘ziga xos badiiyligi bilan ajralib turdi. Ular anʼanaga sodiq qolgan holda yana kinokonsert tarzida konsertni boshlashdi.
Konsertga Lola, Davron Kabulov, Elmurod Haqnazarov, Yodgor Mirzajonov va Sanjar Shodiyev kabi el ardog‘idagi ijodkorlar ham tashrif buyurishdi.
— O‘tgan yili Sarvar va Komilning taklifiga ko‘ra konsertga tashrif buyurgandim. Bu yil esa o‘zim bilet xarid qilib, konsert tomosha qildim. Chunki o‘tgan yildagi taassurotlar meni bu yil ham konsertga kelishimga majbur qildi. Ularning qo‘shiqlarini eshitib, bolalikdagi sof muhabbat yodga tushadi, — deydi “Dizayn” jamoasi aʼzosi Elmurod Haqnazarov.
Savar va Komilning doimiy hamkorlaridan biri bo‘lgan Lola ham konsertga tashrif buyurdi. Intervyu chog‘ida u Sarvar va Komilni nafaqat inson, balki ijodkor sifatida ham hurmat qilishi, ular bilan “Tarona rekords” oilasida ijod qilish haqida so‘zlab berdi.
Konsertni qancha so‘z bilan tasvirlab berilsa ham u ko‘z bilan ko‘rgandek hissiyotni hosil qilmaydi. Shunday ekan, konsertdan tayyorlangan qiziqarli reportajni tomosha qilishingizni tavsiya qilamiz.
Izoh (0)