“Беном” гуруҳи аъзолари Сарвар ва Комилнинг ижод оламига кириб келганларига бу йил 14 йил тўлади. 2006 йили синфдош дўстлар келишган ҳолда мактаб тадбирларида иштирок этиб учун жўровозликда қўшиқ куйлашга қарор қилишади. 2010 йилда эса “Тарона рекордс” студияси кўмагида “Беном” гуруҳи ташкил этилади ва улар “Қизалоқ” қўшиғи билан мухлислар эътиборига тушишади. Бугунги кунда Сарвар ва Комил нафақат хонанда, балки қўшиқлар яратувчиси ҳам танилишган.
“Дарё” мухбирлари хонандаларнинг навбатдаги концерт дастурида меҳмон бўлишди, саҳна ва унинг ортидаги қизиқарли воқеалар ҳақида репортаж тайёрлашди.
Сарвар ва Комилнинг навбатдаги концерти ҳам ноодатийлиги, ўзига хос бадиийлиги билан ажралиб турди. Улар анъанага содиқ қолган ҳолда яна киноконцерт тарзида концертни бошлашди.
Концертга Лола, Даврон Кабулов, Элмурод Ҳақназаров, Ёдгор Мирзажонов ва Санжар Шодиев каби эл ардоғидаги ижодкорлар ҳам ташриф буюришди.
— Ўтган йили Сарвар ва Комилнинг таклифига кўра концертга ташриф буюргандим. Бу йил эса ўзим билет харид қилиб, концерт томоша қилдим. Чунки ўтган йилдаги таассуротлар мени бу йил ҳам концертга келишимга мажбур қилди. Уларнинг қўшиқларини эшитиб, болаликдаги соф муҳаббат ёдга тушади, — дейди “Дизайн” жамоаси аъзоси Элмурод Ҳақназаров.
Савар ва Комилнинг доимий ҳамкорларидан бири бўлган Лола ҳам концертга ташриф буюрди. Интервью чоғида у Сарвар ва Комилни нафақат инсон, балки ижодкор сифатида ҳам ҳурмат қилиши, улар билан “Тарона рекордс” оиласида ижод қилиш ҳақида сўзлаб берди.
Концертни қанча сўз билан тасвирлаб берилса ҳам у кўз билан кўргандек ҳиссиётни ҳосил қилмайди. Шундай экан, концертдан тайёрланган қизиқарли репортажни томоша қилишингизни тавсия қиламиз.
Изоҳ (0)