Россия 1 май куни тунда Одессага яна ракета ҳужуми уюштирди, оқибатда 14 киши жароҳатланди. Бу ҳақда Фавқулодда вазиятлар давлат хизмати хабар берди.
Ракета ҳужуми оқибатида фуқаролик инфратузилмаси, жумладан, “Новая почта” омборхонаси зарар кўрган, воқеа жойида юз берган ёнғин 2 май куни ўчирилган.
Атрофдаги уйларнинг ойналари синди. Ярадорлар сони 14 кишига етди, бир киши ўртача оғир аҳволда касалхонага ётқизилди, — деди Одесса полиция бошқармаси бошлиғи Олег Кипер.
Россия қўшинлари Одессага баллистик ракеталар билан ҳужум қилган. “Новая Почта”нинг хабар беришича, Россия ракетаси унинг саралаш омбори ва бўлимига тушган.
Ҳужум оқибатида вайрон бўлган барча посилкаларнинг тахминий қиймати мижозларга тўлиқ ҳажмда қопланади. Эртага барча қабул қилувчилар билан боғланамиз, — дейилади хабарда.
-_y-EFDtn.jpg)
29 апрель куни ҳам рус қўшинлари Одессага ракета ҳужуми уюштирганди, оқибатда беш киши ҳалок бўлганди, 32 киши яраланган. Шаҳардаги фуқаролик инфратузилмасига зарар етган. Бош прокуратура маълумотларига кўра, Россия ҳужум учун кассетали каллакли “Искандер-М” баллистик ракетасидан фойдаланган.
Россия кучлари 30 апрель куни Украина жанубидаги Одесса порт шаҳрига баллистик ракеталар билан ҳужум қилиши оқибатида 3 нафар тинч аҳоли ҳалок бўлганди. Рус ҳарбийлари Одессага учта “Искендер-М” баллистик ракетаси билан ҳужум қилган.
Изоҳ (0)