“Manchester Siti” sobiq futbolchisi: Pep kelganida, jamoada ortiqcha vaznga ega o‘yinchilar ko‘p edi

“Manchester Siti” murabbiyi Pep Gvardiola o‘z shogirdlarini ortiqcha vazn tufayli tanqid qilgan.

“Shaharliklar” sobiq futbolchisi Gael Klishi podkastda Gvardiola jamoaga kelgach, aytgan so‘zlarini yodga oldi: “Siz ortiqcha vaznga ega futbolchilardan iborat jamoasiz. Mening qo‘l ostimda bir futbolchi har bir o‘yinda maydonga tushishi kafolatlanmagan. Bunga ko‘nikishingizga to‘g‘ri keladi. Bu seni qoniqtirmasa, eshigimni taqillat va biz sening ketishingni muhokama qilamiz. Agar qolmoqchi bo‘lsang, qishki transfer oynasiga qadar bu haqida umuman og‘iz ochilmaydi”.

Avvalroq Klishi Marca nashriga bergan intervyusida biror futbolchi ortiqcha 2 kg vazn to‘plasa, “shaharliklar”ning mashg‘ulotlaridan chetlatilganini aytib o‘tgandi.

Gael “Manchester Siti” safini 2017-yilda tark etgan va faoliyatining Turkiyaning “Istanbul Bashakshehir” jamoasida davom ettirgandi.