1-may kuni Chempionlar Ligasining 1/2 final bosqichidan o‘rin olgan o‘yin bo‘lib o‘tdi va unda Dortmundning “Borussiya” hamda Fransiyaning “PSJ” klublari to‘qnash keldi. O‘yin “Signal Iduna Park” stadionida (Dortmund, Germaniya) bo‘lib o‘tdi.
Uchrashuvni bosh hakam sifatida Entoni Teylor boshqarib bordi. Unda mezbonlar 1:0 hisobida zafar quchdi.
Dortmundliklar himoyachisi Mats Hummels uchrashuvning eng yaxshi futbolchisi deb topildi. Nemis futbolchisi ilk daqiqalardanoq asosiy tarkibda maydonga tushdi va to‘liq o‘ynadi.
“U to‘p bilan ham, to‘psiz ham ajoyib harakat qildi. U o‘zining tajribasini, xususan, yetakchilik qobiliyatini namoyish etdi‘, — dedi UEFA texnik kuzatuvchilar guruhi.
Eslatib o‘tamiz, Dortmundning “Borussiya” hamda Fransiyaning “PSJ” klublari o‘rtasidagi javob o‘yini 7-may kuni bo‘lib o‘tadi. Unga “Park de Prens” stadioni (Parij, Fransiya) mezbonlik qiladi.
Izoh (0)