“Yuventus”ning sobiq darvozaboni Janluijji Buffon kelajagi haqidagi savolga javob berdi.
“Men kelajagimni qanday ko‘raman? Aytaylik, sport direktori yoki bosh murabbiy sifatida. Menda hali ham javob yo‘q. Men, albatta, biron ish bilan shug‘ullanishni xohlayman.
Sport direktori kursini tugatdim. Yanvar oyida Bokkoni universitetida biznes va boshqaruv bo‘yicha magistr darajasini olish uchun o‘qishni boshladim, uni may oyida tugataman. Men qaysidir klubda ishlashim aniq”, — deya Buffon so‘zlarini keltiradi La Repubblica.
Eslatib o‘tamiz, 2023-yilning 2-avgust kuni Buffon futbolchilik faoliyatini yakunlashini e’lon qilgan edi. Janluijji “Parma” akademiyasining bitiruvchisi hisoblanadi. U 1995-yildan 2001-yilgacha ushbu klubda o‘ynagan, shundan so‘ng u 17 yil davomida “Yuventus”da o‘ynagan va u yerdan “PSJ”ga ketgan.
Ikki yil davom etgan Fransiyadagi faoliyatdan so‘ng Buffon dastlab “Yuventus”ga qaytdi va 2021-yilda “Parma”ga qaytdi.
Turin klubi a’zosi sifatida darvozabon 10 marta Italiya chempioni bo‘lgan, besh marta mamlakat kubogi va olti marta Superkubok sohibi bo‘lgan. 2006-yilda Italiya terma jamoasi tarkibida Janluijji Buffon jahon chempionatida g'olib chiqdi.
Izoh (0)