Futbol bo‘yicha Yevropa Chempionlar Ligasi yarim finalining dastlabki o‘yinida “Bavariya” va “Real” jamoalari 30-aprel, seshanba kuni o‘zaro to‘qnash keldi.
“Real Madrid” hujumchisi Vinisius Junior Allians Arenada bo‘lib o‘tgan uchrashuvda (2:2) Myunxen klubi darvozasiga ikkita gol urishga erishdi.
24-daqiqada Toni Kroosning qoyilmaqom uzatmasidan so‘ng hisobni ochgan hujumchi uchrashuv so‘nggida penaltidan gol urib jamoasini mag‘lubiyatdan qutqarib qoldi.
“U har safar to‘pga teginganda xavfli vaziyat yuzaga keldi va birinchi golni urish uchun yaxshi hududga ochildi. Tanaffusdan so‘ng uning uzatmasi Rodrigoni jarima maydonchasi ichida topdi va aynan shu hujum penaltiga sabab bo‘ldi. Vinisiusdan ajoyib o‘yin”, — dedi UEFA texnik kuzatuvchilar guruhi.
Javob o‘yini bir haftadan so‘ng, 8-may kuni Madridda bo‘lib o‘tadi.
Izoh (0)