UFC bosh direktori Dana Uayt og‘ir vazn toifasida amaldagi UFC chempioni amerikalik Jon Jonsning Drug Free Sport (DFS) antidoping xizmati agentiga hujum qilgani, shuningdek, o‘lim bilan tahdid qilgani haqida gapirdi.
Bu yigit doim muammoga duch keladi. U bilan doim nimadir sodir bo‘ladi. NBC News uning hibsga olingani haqidagi xabarni e’lon qildi, ammo bu mutlaqo no‘tog‘ri ma’lumot, — deya Dana Uaytning so‘zlarini keltiradi MMA Mania portali.
O‘tgan hafta ikkita operatsiyadan keyin tuzalayotgan Jon Jons sport zaliga qaytganini va to‘liq mashg‘ulotlarni davom ettirayotganini e’lon qildi.
Eslatib o‘tamiz, 2023-yil 5-mart kuni UFC 285 turniri doirasida bo‘lib o‘tgan jangda Jon Jons og‘ir vazn toifasida vakant kamar uchun Siril Ganga (11-2) qarshi jang qildi. Yarim og‘ir vazn toifasining sobiq chempioni birinchi raunddayoq Ganni bo‘g‘ish usuli bilan taslim etdi va og‘ir divizion tituliga ega chiqdi.
Jang birinchi raundda Jonsning g‘alaba qozonishi bilan yakunlandi. Jonsda 27 g‘alaba va bitta mag‘lubiyat bor.
Izoh (0)