Kech ota bo‘lish so‘nggi o‘n yillikda odatiy holga aylandi. Farzandli bo‘lishni istagan juftliklar pasportidagi raqamlarga qaramaydi. Ular ota-ona bo‘lish quvonchini his qilishni turli sabablarga ko‘ra o‘zlari belgilaydi. Bu borada jahon yulduzlari ham bundan mustasno emas.
Maykl Duglas
Gollivud faxriysi, hozir 79 yoshda bo‘lgan Maykl Duglas nihoyat o‘z karyerasidan tanaffus olishga va o‘zini oilaviy hayotga bag‘ishlashga qaror qildi. Aktyorning birinchi o‘g‘li Kemeron otasi 34 yoshda bo‘lganida tug‘ilgan. O‘sha paytda Duglasning karyerasi uning hayotida asosiy o‘rinni egallagan. U haligacha to‘ng‘ichiga ko‘p vaqt ajratmaganidan afsuslanadi.
2000-yilda Duglas aktrisa Ketrin Zeta Jons bilan nikohidan Dilan Maykl ismli o‘g‘il ko‘radi. O‘sha paytda “Asosiy instinkt” filmi yulduzi 56 yoshda edi. Uch yil o‘tgach, er-xotinning Karis Zeta ismli qizi dunyoga keladi.
Robert De Niro
Robert De Niro — Gollivuddagi eng mashhur ko‘p bolali ota hisoblanadi. Uning turli ayollardan tug‘ilgan va asrab olingan bolalari bor. 2023-yilda internetda Robert 79 yoshida ota bo‘lganligi haqida xabar tarqaldi.
Uning yettinchi farzandi jang san’ati bo‘yicha murabbiy Tiffani Chen bilan bo‘lgan munosabatidan tug‘ilgan. Aktyorning kenja qizi Jia Virjiniya Chen 2024-yilning aprel oyida bir yoshga to‘ldi.
Rupert Merdok
Dunyoga mashhur mediamagnat Rupert Merdokning 6 farzandi bor — 4 qiz va 2 o‘g‘il. To‘ng‘ich o‘g‘li mediamagnat 40 yoshida tug‘ilgan. 2003-yilda Merdok 6-marta ota bo‘ldi — qizi Xloye tug‘ildi. O‘sha paytda taniqli ota 72 yoshda edi.
Aytgancha, 93 yoshida u beshinchi marta uylanishga qaror qildi. Uning tanlagani Abramovichning 67 yoshli sobiq qaynonasi edi. Yelena Jukova — 90-yillarda AQSHga ko‘chib ketgan moskvalik mikrobiolog olima. Shu yoshida ham Merdok OAVning e’tiboridan tushmaydi.
Richard Gir
“Oltin globus” mukofoti sovrindori, aktyor va jurnalist Richard Gir 2000-yilda birinchi marta ota bo‘ldi. Ikkinchi rafiqasi aktrisa va model Keri Louell Gomer ismli o‘g‘lini dunyoga keltirdi. Yigirma yil o‘tgach, Gir yana otalik quvonchini his qildi. O‘sha paytda u 70 yoshda edi. Aktyor bilan 2018-yilda turmush qurgan yosh rafiqasi Alexandra Silva unga Aleksandr ismli o‘g‘il tug‘ib berdi.
Girning ta’kidlashicha, bu uning uchun kutilmagan sovg‘a bo‘lgan. 2020-yilda er-xotin yana bir o‘g‘il ko‘rdi, ammo bolaning ismi oshkor qilinmagan.
Stiv Martin
Komedik aktyor 67 yoshni farzand ko‘rish uchun ideal payt deb hisoblaydi. Martin 2007-yilda ikkinchi xotini, jurnalist Anna Stringfildga uylandi. 5 yillik turmushdan keyin ularning birinchi va yagona qizi Meri tug‘ildi. U o‘zining yangi maqomini mamnuniyat bilan qabul qildi. Martin qizining hayotida faol ishtirok etadi va u bilan ko‘p vaqt o‘tkazadi, bilimi va tajribasi bilan o‘rtoqlashadi.
Al Pachino
“Cho‘qintirgan ota” yulduzi 50 yoshida birinchi marta ota bo‘ldi. Pachinoning birinchi farzandi Juli Mari 1989-yilda, egizaklari — Anton Jeyms va Oliviya Rouz Pachino 2001-yilda tug‘ilgan. Ular Los-Anjelesda yashaydi va ijod bilan shug‘ullanadi.
O‘tgan yili 83 yoshida Al Pachino to‘rtinchi marta ota bo‘ldi. Uning sevgilisi, 29 yoshli Nur Alfalla Roman ismli o‘g‘il farzandni dunyoga keltirdi. Aktyor hech qachon nikohdan o‘tmagan, lekin farzandlarining onalari bilan yaxshi munosabatda.
Izoh (0)