Ko‘plab ayollar mashhurlarning go‘zal qomatiga hasad bilan qaraydi, hatto ularning ba’zilari qattiq diyeta qilishiga shubha qilmaydilar. Ammo har qanday mazali taomlarni bemalol yesa-da, ajoyib ko‘rinishga ega bo‘lgan yulduzlar haqida ma’lumot beramiz.
Selena Gomes
Xonanda bir necha yil davomida autoimmun kasallik bo‘lgan qizil yugurikdan davolanishi natijasida semirib ketgan. Dastlab Selena tashqi ko‘rinishiga salbiy munosabatda bo‘lganlarga fikr bildirishga qiynalgan, ammo keyinchalik ular bilan kurashishni o‘rgangan. Xeyterlar bilan bo‘lgan bu “duel” xonandaga bir nechta chiroyli qo‘shiqlar yozishga yordam berdi, shuningdek, o‘z tanasini sevib, qabul qildi. Hozirda Selena Gomes qizlarni o‘zini sevishga undaydi.
Emma Stoun
Gollivuddagi eng ko‘p maosh oladigan aktrisalardan biri diyetani yomon ko‘rishi haqida ochiq gapiradi. Aktrisa hech qachon ovqatlanishni qat’iy cheklamagan. Pilates, yurish va klassik gimnastika mashg‘ulotlari unga qomatini mukammal holatda saqlashga yordam beradi. Emma xohlagan payti shirin yoki sho‘r mahsulotlarni bemalol iste’mol qilishini tan oladi.
Priyanka Chopra
Chiroyli qomat egasi va “Dunyo go‘zali 2000” hech qachon diyeta qilmasligini tan oladi. “Men stoldagi hamma narsani yeyishim mumkin, — deydi Priyanka Elle jurnaliga bergan intervyusida. — Baffalo qanotlari, pepperoni pitssa, chizburger, steyk, bifshteks va yana steyk! Xudo menga yaxshi metabolizm bergan va men undan foydalanishni burchim deb bilaman!” Priyanka “genetik lotereya” yutganlardan biri — tezlashgan metabolizm bilan tug‘ilgan. Aynan bu narsa unga sport zallariga bormay, mazali taomlarni rad qilmasdan qomatini saqlab qolishga imkon beradi.
Keyt Uinslet
Aktrisa o‘zining to‘la qomati bilan faxrlanadi va uni turli ko‘rinishlarda namoyish etishdan qo‘rqmaydi. Biroq Keyt hech qachon tashqi ko‘rinishidan mamnun bo‘lgan ayolni uchratmaganini aytadi. Aktrisa bu pozitsiyaga amal qilmaydi, aksincha, o‘z tanasini yaxshi ko‘radi. 2017-yilda diyeta haqida qayg‘urishni qanday to‘xtatish kerakligi so‘ralganda, Keyt shunday javob beradi: “Men vaznim qanchaligini bilmayman — 12 yildan beri vaznimni o‘lchamaganman. Menimcha, bu eng yaxshi maslahat!”
Megan Foks
Megan Foksning fotosuratlariga qarab, u qat’iy diyetaga rioya qilmasligini tasavvur qilish qiyin. Albatta, Megan Foks ovqatlanish tartibini diqqat bilan kuzatib boradi, ammo qat’iy cheklovlarsiz. U yapon oshxonasini afzal ko‘radi, qayta ishlangan ovqatlarni yemaydi va haftasiga bir necha finjon qahva ichadi, xolos. Meganning ta’kidlashicha, u tez metabolizm tufayli go‘zal qomatni saqlab qolishga muvaffaq bo‘ladi.
Salma Xayek
Meksikalik aktrisaning 57 yoshda ekanligiga ishonish qiyin — hozirda ham u ajoyib ko‘rinadi. Salma Xayek ham qattiq diyetaga rioya qilmaydi, yog‘li ovqatlarni ham bemalol yeyaveradi. Aktrisa uzoq vaqt davomida diyeta qilolmasligini tan oldi, chunki ovqat uning eng zaif tomoni. Salmaning ajoyib figurasining sirlaridan biri bu — sog‘lom va faol hayot tarzidir. Hatto oddiy yurish va yugurish ham tanani tasavvur qilib bo‘lmaydigan o‘zgarishlarga olib kelishi mumkin.
Izoh (0)