Америка Яманда халқаро кемаларга қилинган ҳужумларни тўхтатиш шарти билан ҳусийларга тинчлик таклиф қилди ва муҳим портлар блокадасини олиб ташлашга тайёр эканини билдирди, дея “Известия” хабар берди.
-oqZFYoFi.jpg)
Январь ойидан бери олиб борилаётган ҳарбий ҳаракатлар самара бермаган ва ҳусийлар 100 га яқин кемага ҳужум қилган. Энди эса АҚШ ҳусийларни тинчлик музокараларига жалб этмоқчи.
Қайд этилишича, америкаликлар бу хабарни ғарбий воситачилари орқали етказган ва бунда Уммон ҳам муҳим рол ўйнаган.
Ҳусийларнинг Исроил кемаларига ҳужум қилишига жавобан Қўшма Штатлар нафақат ҳарбий ҳаракатларга ўтди, балки уларга ҳужумларни тўхтатишга ундайдиган таклифлар етказишга ҳаракат қилди, — дейилади хабарда.
АҚШ ҳукумати вакиллари бу маълумотни тасдиқламаган, бироқ инкор ҳам этмаган.
Исроил Ғазога ҳужум бошланганидан бери ҳусийлар халқаро кемаларга 100 га яқин ҳужум уюштирган. Улар Исроил урушни тугатмагунча ҳужумларни давом эттиришини айтган.
Бироқ сўнгги икки ҳафта ичида ҳусийларнинг янги ҳужумлари қайд этилмаган.
Тhе National нашрига кўра, Вашингтон можарони ҳал қилишнинг бошқа йўлларини излашга қарор қилган. Уммонда тахминан уч ой олдин “яширин музокаралар” бўлиб ўтган ва АҚШ Эрондан Ямандаги можарони юмшатишда ёрдам сўраган.
АҚШнинг Яман бўйича махсус вакили Қўшма Штатлар Қизил денгизда ҳужумлар ўрнига можарони юмшатиш ва тинч йўл билан ҳал қилишга эътибор қаратмоқчи эканини айтган.
Изоҳ (0)