Braziliyalik futbolchi Tiago Silva mavsum oxirida “Chelsi”ni tark etadi. Bu haqida futbolchining o‘zi ma’lum qildi.
Qishki transferlar oynasida Silva “aristokratlar”ga mavsum oxiriga qadar yordam berish maqsadida bir nechta klublarning taklifini rad etgandi.
Endi esa yakuniy qaror qabul qilindi. 39 yoshli futbolchiga Braziliyalik “Fluminense” jamoasi qiziqish bildirmoqda. Himoyachi o‘ziga bo‘lgan barcha takliflarni ko‘rib chiqishga tayyor.
Tiago 2020-yilda “PSJ” safidan “Chelsi”ga o‘tgan edi. Unga qadar himoyachi “Portu”, “Fluminense”, “Milan” kabi jamoalar sharafini himoya qilgan.
Joriy mavsumda Silva APL doirasida 25 ta o‘yin o‘tkazib, 3 ta golga mualliflik qildi.
Izoh (0)