Shimoliy Koreya o‘zining milliy iqtisodiyotini Rossiya bilan hamkorlik orqali oshirib bormoqda, deb yozadi Financial Times, Janubiy Koreya mudofaa vaziri Shin Von Sikning bayonotiga tayangan holda.
Uning aytishicha, bu Rossiyadan katta miqdordagi oziq-ovqat, xomashyo va neft mahsulotlari yetkazib berilishi orqali amalga oshmoqda. Shu bilan birga, 2021-yilda Kim Chen In rejimi mamlakatda “oziq-ovqat inqirozi”ni tan olgan, bu COVID-19ga qarshi cheklovlar, xalqaro sanksiyalar va yomon hosil tufayli kelib chiqqan.
Shvetsiyalik xalqaro ekspertga ko‘ra, Pxenyan sovuq urush davrida qo‘llanilgan “ikki homiy” strategiyasi — Xitoy va Rossiyani qayta tiklamoqda, bu unga o‘z manfaatlari va xavfsizligini saqlab qolishga imkon bergan.
Uglevodorodlar, beton va sanoat plastmassalari ishlab chiqarishga bog‘liq bo‘lgan Shimoliy Koreya iqtisodiyoti butunlay Xitoyning oziq-ovqat, yonilg‘i yetkazib berilishiga tayangan edi, — deydi ekspert.
Shimoliy Koreyaning sanksiyalangan tankerlari Rossiya portlaridan foydalanmoqda, Rossiyaga yetkazib berilgan qurollar evaziga neft olmoqda, rossiyalik turistik guruhlarni qabul qilmoqda. Pxenyandagi Rossiya elchixonasi ikki davlat o‘rtasida yangi temiryo‘l, parom va avtomobil yo‘llari haqida muzokaralar o‘tkazilgani haqida xabar bergan. Avvalroq Moskva KXDRga nisbatan xalqaro sanksiyalarni kuzatuvchi BMT komissiyasi mandatiga veto qo‘ygan edi.
Kim Chen In urushga tayyorgarlik ko‘rish va Janubiy Koreya bilan tinchlik siyosatidan voz kechish haqida keskin bayonotlar qila boshlagan.
Izoh (0)