2024-yilning 25—28-aprel kunlari Toshkentdagi CAEx Uzbekistan ko‘rgazma majmuasida barcha ko‘chmas mulk obyektlari jamlandi. Ishlab chiqaruvchilar, dizaynerlar, shuningdek, bir hududda ko‘chmas mulk sotib olishga qiziqqan odamlar CAEx Bizning Uylar xalqaro ko‘rgazmasida turar joy va tijorat ko‘chmas mulki uchun shartnomalar tuzmoqda.
O‘zbekistonda uy sotib olish! Buning uchun oddiy ishchi birinchi navbatda boshlang‘ich to‘lovga pul to‘playdi, keyin esa kamida umrining yigirma yilini yuqori stavkali to‘lovni to‘lashga sarflaydi.Yana u bu jarayonga yetib borguncha o‘z pullarini baʼzi qallob quruvchi kompaniyalardan ham saqlashi va imkon qadar arzonroq foizli kredit shartnomalarni qidirib topishi ham kerak.
Chindan ham O‘zbekistonda hammasi shundaymi?
Daryo jamoasi yuqorida tilga olingan ko‘rgazmani tasvirga olish uchun bordi va u yerda mana shunday og‘riqli savollarga javob topsa bo‘ladigan zamonaviy uy joy bozori, undagi yangi trendlar haqida o‘rgandi.
Eng ijobiy javoblardan biri, uy sotib olish uchun kredit to‘lovining past foizdagi stavkasi bo‘ldi.
“Effektli 8,5 foiz” stavkasi
Stable Home kompaniyasi ko‘chmas mulk kreditlari bilan shug‘ullanadi. Yaʼni u milliy banklar bilan hamkorlikda uy joy kreditni ajratishga yordam beradi. Kompaniya xodimasining aytishicha jismoniy shaxslar 10 yil muddatga 3 mlrd so‘mgacha kredit olishlari mumkin.
Effektiv stavkamiz yiliga 8,5 foizni tashkil qiladi. Uy joy bo‘yicha bizda cheklovlar yo‘q, mijozlar uyni birlamchi yoki ikkilamchi bozordan xarid qilishlari mumkin. Bular — kvartira, hovli, dala hovli yoki kotej uylarni o‘z ichiga oladi. Oddiy qilib aytganda, biz mijozlarimizni kredit olish muddatini tezlashtirib va qisqartirib beramiz. Kreditgacha bo‘lgan hujjatlar haqida ma’lumot va ularni rasmiylashtirishda ko‘maklashamiz.
“Qallob quruvchilar”dan himoya xizmati borligini bilarmidingiz?
Ko‘rgazmada turlicha zamonaviy “City”lar va “recidence”lar o‘z takliflarini taqdim etishdi. Loyihalar puxta o‘ylangan rejalar asosida qurilayotgani, ishonch haqida gapirilar ekan oxirgi paytlarda zamonaviy uy qurilishlari haqida yetarlicha bilimi bo‘lmagan odamlar “qallob quruvchilar” qo‘liga tushib qolish holatlari ham bo‘ldi.
Baʼzan nafaqat uy sotib olmoqchi bo‘lgan oddiy odam, balki katta mulk egasi yoki sarmoyador ham ushbu firibgarlik tuzog‘iga tushib qolishi hech gap emas.
House Mall kompaniyasi esa mijoz yoki investor va yoki boshqa kompaniyaga aynan yuqoridagi muammolar yuzaga kelmasligi uchun turli yuridik xizmatlarni taqdim eta boshlagan.
“Kompaniyamiz 3 ta yo‘nalishni o‘ziga jamlagan. Yaʼni biz isteʼmolchi, investor va qurilish kompaniyalari bilan ishlaymiz. Isteʼmolchi uy sotib olayotgan bo‘lsa, barcha hujjatlarini yuridik tomonlama tekshirib chiqiladi va to‘g‘ri tanlov uchun yordam beriladi. Investor uchun esa daromad olishi mumkin bo‘lgan to‘g‘ri joyga sarmoya kiritishiga yo‘l ko‘rsatamiz. Qurilish kompaniyalari bilan hamkorlik, avval ularning faoliati yuridik jihatdan to‘g‘ri olib borilayotgani tekshirilib, keyin aholini bundan ko‘proq xabardor qilishga qaratilgan.
Hozirda o‘ndan ortiq davlatlar bilan hamkorlik qilyapmiz. Ular ichida Turkiya, Singapur, Malayziya, Xitoy va Koreya kompaniyalari bor. Investorlar bu yerda “Aqlli uylar”qurish uchun kelishyapti. Mahalliy Investorlar uchun esa “Millat umidi” klubini tashkil qilganmiz. Ular uchun ham to‘g‘ri sarmoya kiritish, loyihani qanday o‘sib borishi, agar mulkni sotmoqchi bo‘lsa xaridor topishlari uchun xizmat qilyapmiz. Boshqa investitsion klublardan farqimiz umumiy mijozlar bazasi ko‘pligi hisobiga boshida sotib olayotgan mulkingiz o‘z narxidan 10-15 foizgacha arzonroq tushadi”, — deydi Muhammadjon Madraximov.
Zamonaviy urbanizatsiya qanday uylarni taqdim etadi?
Avvallari odamlar maishiy-ijtimoiy ehtiyojlari yaxshiroq qoplanishi uchun shaharda yoki shahar markaziga yaqin joyda yashashni xohlashardi. Hozirga kelib bozor, ish, sog‘lik, taʼlim- tarbiya uchun kerakli barcha obyektlar shundoqqina uyni pasida joylashishi, tabiiy holatga aylanib boryapti.
Viloyat va shahar markazlarida tobora ko‘payayotgan kichik shahar ko‘rinishidagi uy majmualari yoki qurilish obyektlari, odamlarga aynan mana shu qadriyatni olib kirmoqda.
Olti yildan beri aynan mana shu yo‘nalishda faoliyat yuritayotgan Median Development qurilish kompaniyasi yuqorida aytilgan uy majmualarini qurishda alohida tomonlarga ahamiyat berishadi. Yaʼni ular aholiga komfort-biznes statusidagi qurilish obyektlarini topshiradi.
“Bizning uylar asosan yopiq hududlarda kichik shaharcha sifatida quriladi. Hudud ichida o‘zini xususiy bog‘cha, xususiy maktab, dorixona va boshqa qulayliklari bor. Binolarimiz sotuvi kvadrat metriga 10-15 mln dan boshlanadi”, — deydi kompaniya direktori Nig‘mat Ahmadjonov.
Poytaxtning do‘rmon taraflarida qurilayotgan Amir Temur Residence obyekti esa mijozlariga toza havo va tabiat qo‘ynida bo‘lgan retro atmosferani taqdim etmoqchi.
Kompaniyaning sotuv direktori Timur Tolipov aytishicha, butun jamoa loyiha arxitekturasini geografik joylashuv bo‘yicha hamda shahardagi muammolarni o‘rgangan holda tuzib chiqishgan: “Bunaqa loyiha hali O‘zbekistonda yo‘q desa ham bo‘ladi. Bu kattagina oila uchun o‘zini ichida bolalar maydonchasi, ishlash hududi, maktab, kafe turargohlari bo‘lgan shaharcha”.
Bundan tashqari ko‘rgazmada xorijdan kelgan soha yetakchilarining turli mahorat darslari va taqdimotlar o‘tkazildi.
Yaʼni CAEx Bizning Uylar xalqaro ko‘rgazmasida ishtirok etish mahalliy kompaniyalar uchun nafaqat o‘zini ko‘rsatish, balki biznesi rivojlanishida tajribalarni o‘rganish, mijozlar topish va hamkorlarni taklif qilgan imkoniyat bo‘ldi.
Ushbu ko‘rgazma va unda taqdim etilayotgan barcha xizmatlar hamda buyumlar uchun chegirmalar 28-aprelda yakunlanadi.
Telefon: (78) 113 3333
Veb-sayt: caexuzbekistan.com
Reklama huquqi asosida.
Izoh (0)