“Barselona” prezidenti Joan Laporta jamoa boshqaruvida Xavini qoldirish qaroriga izoh berdi.
Jamoaning holatini yaxshilash bo‘yicha ba’zi o‘zgarishlar bo‘ladi. Barqarorlik — har bir loyihaning muvaffaqiyat qoidasi. Ayniqsa, bizning holatda. Vaziyatni tahlil qilsak, bosh murabbiy doim “Barselona” uchun jon kuydiradi. Bizda yosh futbolchilardan iborat jamoa bor va jamoaga barqarorlik kerak. Xavi — yoshlar uchun namuna.
Direktorlar kengashi ushbu qarorni bir ovozdan qo‘llab-quvvatladi. Uchrashuvda qatnashgan va Xavi bilan suhbatlashganlarning barchasi uni bu qarori bilan tabrikladi.
Superkubok va La Liga alohida ahamiyatga ega, ammo hozir bu haqda o‘ylash qiyin. Bu yil maqsadlarimizga erisha olmadik, ammo bu kelajakda yanada foydaliroq bo‘ladigan loyiha uchun jamoani jipslashtiradi. Muxlislardan ushbu loyihaga ishonishlarini so‘rayman, chunki bizni muvaffaqiyat kutmoqda, — deya Laporta so‘zlarini keltiradi Mundo Deportivo.
Avvalroq “Barselona” bosh murabbiyi Xavi jamoada qolishini va klub bilan shartnomasini uzaytirishini ma’lum qilgandi. U yanvar oyidagi ketish fikridan qaytganini aytib o‘tgan.
Izoh (0)