Futzal bo‘yicha Osiyo Kubogi—2024 musobaqasida muvaffaqiyatli ishtirok etib, o‘z tarixida birinchi bor jahon chempionatiga yo‘llanma olgan Tojikiston milliy jamoasi mukofotlanadigan bo‘ldi.
Tojikiston futbol federatsiyasi prezidenti Rustam Imomalining qaroriga ko‘ra, O‘zbekistonda o‘tadigan JCH—2024 turniriga yo‘llanmani qo‘lga kiritgan Tojikiston futzal jamoasi 100 ming AQSH dollari miqdoridagi mukofot puli bilan taqdirlanadigan bo‘ldi.
Ma’lumot uchun, Payrav Vohidov shogirdlari Tailanddagi chempionatda Janubiy Koreya va Yaponiyani guruhda qoldirgan bo‘lsa, chorak finalda Afg‘onistondan ustun keldi. Yarim finalda esa mezbon Tailandga penaltilar seriyasida (3:3, pen – 5:6) mag‘lub bo‘lib, finalga chiqa olmadi.
Tojikiston 3-o‘rin uchun o‘yinda 28-aprel kuni O‘zbekistonga qarshi maydonga tushadi.
Izoh (0)