Futzal bo‘yicha Osiyo Kubogining yarim finalida O‘zbekiston terma jamoasi Eronga qarshi bahs olib bordi va penaltilar seriyasida mag‘lubiyatga uchradi.
Uchrashuvdan so‘ng O‘zbekiston futzal terma jamoasi bosh murabbiyi Xose Venansio Lopes ishtirokida matbuot anjumani o‘tkazildi.
Bugun ikkita teng kuchli raqiblar o‘zaro bahs olib bordi. Uchrashuv masalasi penaltilar seriyasida hal bo‘ldi. Ayrim daqiqalarda Eron kuchliroq o‘yin ko‘rsatdi, ayniqsa ekstra-taymlarda. O‘sha vaziyatlarda ham biz yaxshi himoyalandik. Hisobda ortda qolayotib, yana qayta oldik. Raqibimizni Osiyo kubogi finaliga yo‘l olgani bilan tabriklayman.
3-o‘rin uchun bahs haqida
Tojikistonga qarshi uchrashuv haqida gapirishga hali erta. Bugungi o‘yinni unutib, ertadan 3-o‘rin uchun bahsga tayyorgalikni boshlaymiz.
Uchrashuvga tayyorgarlik haqida
Bizning dastlabki rejamiz, raqib o‘z hududida bo‘lganda ularga yuqori bosim uyushtirishdan iborat edi. Biz buni ayniqsa, o‘yin boshida juda yaxshi uddaladik, biroq oxiriga kelib futbolchilardagi charchoq tufayli jarima maydonimiz yaqinida ularda bo‘sh hududlar paydo bo‘la boshladi. Shunga qaramasdan, himoyada ham, hujumda ham ajoyib harakat qila oldik.3
Xose Venansio Lopes, O‘zbekiston futzal terma jamoasi bosh murabbiyi
O‘zbekiston 28-aprel kuni Tojikistonga qarshi bahs olib boradi. 3-o‘rin uchun kechadigan bahs 13:00 da start oladi.
Izoh (0)